Kutubxona tarixi

Oltiariq tumani axborot-kutubxona markazi 1969-yilda qurilgan bo‘lib, dastlab tuman madaniyat bo‘limi qoshida faoliyat olib borgan.

2007-yilgacha tuman hududidagi tarmoq kutubxonalari uchun asosiy markaz bo‘lib xizmat qilgan.

O‘zbekiston Respublikasi Prezidentining 2006-yil 20-iyundagi “Respublika aholisini axborot-kutubxona bilan ta’minlashni tashkil etish to‘g‘risida”gi  381-sonli qaroriga muvofiq axborot-resurs markaziga aylantirilib, tuman xalq ta’limi bo‘limi tasarrufiga o‘tkazilgan.

Kutubxona 2019-yilgacha tumandagi maktab muassasalari uchun metodik hamda ularning faoliyatini nazoratga olish markazi bo`lgan.

2019-yil oxiriga kelib Oltiariq tumani axborot-kutubxona markazi O‘zbekiston Respublikasi Prezidentining 2019-yil 7-iyundagi “O‘zbekiston Respublikasi aholisiga axborot-kutubxona xizmati ko‘rsatishni yanada takomillashtirish to‘g‘risida”gi PQ-4354-sonli qaroriga asosan O‘zbekiston Milliy kutubxonasi tizimida qayta tashkil etildi. Kutubxona tuman markazida, aholining barcha qatlami uchun qulay joyda joylashgan.

Shuningdek, Oltiariq tumani Yangiqo‘rg‘on MFY, Olmazor MFY, Polosonobod MFY hamda Povulg‘on MFYda axborot-kutubxona markazi filiali mavjud.

2019-yilda Oltiariq tumani axborot-kutubxona markazi balansiga o‘tkazilgandan so‘ng aholiga kutubxona sifatida xizmat ko‘rsatib kelmoqda.

Hozirgi kunda axborot-kutubxona markazi 12000 dan ziyod yoshlar va uyushmagan aholiga hamda ijtimoiy tarmoqlarda 5000 dan ortiq  kitobxonlarga xizmat ko`rsatib kelmoqda. Tumanda aholini kamrab olish darajasi 22% ni tashkil qiladi.

 Bugungi kunda Oltiariq tumani axborot-kutubxona markazining umumiy fondi 65825 tani tashkil etib, 43818 nomda / 63669 nusxada bosma va elektron nashrlardan iborat.

Ushbu adabiyotlarni tillar kesimida tahlil qiladigan bo‘lsak, 48553 dona o‘zbek tilidagi, 15101 dona boshqa tillardagi adabiyotlarga to‘g‘ri keladi.

Kutubxona xizmatlarini keng yo‘lgan qo‘yish maqsadida markazda 4 ta bo‘lim faoliyat olib bormoqda (abonement va foydalanuvchilarga xizmat ko‘rsatish bo‘limi, axborot-bibliografiya bo‘limi, fondlarni to‘ldirish, saqlash va ularga ishlov berish bo‘limi, AKT va raqamlashtirish bo‘limi). 

Barcha xodimlar kompyuterda, avtomatlashgan ish joylarida hamda ofis texnikasi bilan ishlash ko‘nikmalariga ega. Oltiariq tumani axborot-kutubxona markazi 2023 yilda Oltiariq tumani Maktabgacha ta’lim tashkiloti binosida o‘z ish faoliyatini boshlab kelmoqda.

Kutubxonada doimiy ravishda kitob va mutolaani targ‘ib qiluvchi turli tadbirlar o‘tkazib boriladi: davra suhbatlari, aksiya, mashhur kishilar bilan uchrashuvlar, badiiy kechalar, turli-tuman ko‘rgazmalar shular jumlasidandir.

Kutubxonada “Anvar Obidjon”, “Mohir qo‘llar” klubi faoliyat olib bormoqda.

AKM shuningdek, ijtimoiy tarmoqlarda https://t.me/OltiariqAKM, (http://www.facebook.com/OltiariqAKM, http://www.instagram.com/oltiariq_akm/, https://x.com/Oltiariq_AKM, http://www.youtube.com/@OLTIARIQ_AKM ) tuman AKMning rasmiy sahifalari yaratildi va doimiy kitob targ‘ibotlari, kutubxona hayotidagi yangiliklar, tumanimizning mashhur kishilari bilan uchrashuv kabi tadbirlar yoritib borilmoqda.

AKT va raqamlashtirish bo‘limi tomonidan 2023-yildan buyon 2043 dan ziyod adabiyotlar raqamlashtirildi.

Xulosa qilib aytganda, kutubxona – bu jamiyatning intellektual, ma’naviy va madaniy rivojlanishi uchun zarur bo‘lgan muhim institutdir. U bilim manbai, ma’naviyat o‘chog‘i va ijtimoiy aloqalar markazi sifatida aholining har tomonlama kamol topishiga beqiyos hissa qo‘shadi. Oltiariq tumani axborot-kutubxona markazi ham o‘z faoliyati orqali bu muhim vazifalarni sitqidildan bajarib kelmoqda.

Manzil: Oltiariq tumani, Bozorboshi MFY, Bozirboshi ko‘chasi

Geolokatsiya:https://maps.google.com/maps?q=40.392821,71.476165&ll=40.392821,71.476165&z=16