Cho‘lpon.

Fidoyi, el-yurtining erk-u ozodligi yo'lida jon berishga tayyor insonlarning fikri-o‘yi har doim vatandoshlarning qayg‘usiga, yurtining taqdiriga qaratilgan boʻladi. Ularning maqsadi ham, umidi ham, orzusi ham o‘zi mansub boʻlgan xalqning erkin va farovon hayotini ko‘rishdan iborat boʻlgan, xolos.

Bunday vatandoshlarimizga misol qilib Munavvar qori, Fitrat, Behbudiy, Cho‘lpon, Usmon Nosir, Abdulla Qodiriylarni va shuningdek, "Tirik ruhlar” romanining qahramoni, oʻzbek xalqidan chiqqan birinchi huquqshunos-advokat tarixiy shaxs Ubaydullaxo‘jani keltirishimiz mumkin.

Ubaydullaxo‘ja hamyurtlarini va vatanini bosqinchilardan ozod qilishni o‘z oldiga asosiy maqsad qilib qo‘ygan. Bu yo‘lda hattoki o‘z jonidan kechishga ham tayyor... Axir, u otasining tili bilan aytganda, "millat dardi bilan mast" boʻlganlar toifasiga mansub.